நான்

உன் இதயப் பாத்திரத்தில்

ஊறும் அமிழ்தை

உன் கூட்டுப் பறவைகளுக்கு

பகிர்ந்தளித்தாய்..

நிராகரிப்பின் வலியோடு

காலித் தட்டுடன்

தெருவில் நடக்கும் நான் !

எல்லையற்ற பால்வெளியில்

இன்னொரு கிரகம்

கண்டுபிடிக்கப்பட்டது..

மனிதர்கள் இருப்பதாய்த்

தகவலுடன்..

இங்கிருந்து அங்கே

பயணத்திற்கும்

ஏற்பாடுகள்..

நீயிருக்கும்

இந்த பூமியை விட்டு

அகலாமல் நான் !

உன் வீட்டு வாசலைக்

கடக்கும் போதெல்லாம்

கதவில் ஒட்டிக் கொண்டு

வர மறுக்கும்

என் பார்வை..

மூடியிருந்த கதவை

மனசுக்குள்ளே

திறந்து பார்க்கும் நான் !