லூசு

கண்களில் மின்னும்

அன்பைக்

காணும்போதெல்லாம் ...

எதிரில் என்னைப்

பார்த்தால்

உற்சாகக் கூவலுடன்

நீ வரும் போதெல்லாம் ...

செல்லமாய் என் தலையில் தட்டி

'லூசு' என்று சொல்லும் போதெல்லாம் ..

உச்சி முடி கலைத்து

உன் மகிழ்ச்சி பகிரும் போதெல்லாம் ..

என் வாட்டம் பார்த்து

உன் மடி காட்டி

என் துயர் நீக்கும் போதெல்லாம் ...

தோன்றுகிறது பெண்ணே ..

உனக்காகத்தான்

முன் ஜென்மங்களில் எல்லாம்

நான் தவம் இருந்திருப்பேனோ என்று..