மழை

வானம் கருத்துக் கொண்டு

வருவது பார்த்து

உலர்த்திய துணிகளை

அள்ளி வருவதும்..

மேகங்கள்

சின்ன தூறல் கூடப் போடாமல்

அடுத்த பகுதிக்குப் போவதுமாய்..

மழை விளையாட்டு..

குறுஞ்செய்தி மின்னுகிறது..

‘எங்கள் ஊரில் மழைப்பா’

சிநேகிதியின் உற்சாகம்

என்னுள் விதைக்கிறது

ஒரு புழுக்கத்தை..

இடி.. மின்னல்.. என்று

எதற்கும் குறைவில்லை..

வந்த மழை

எங்கு போனதென்றுதான்

தெரியவில்லை..

சுற்றுப் பகுதியில்

ஏதோ ஒரு இடத்தில்

பூமி குளிர்ந்து போனது..

மறுநாள் தலைப்புச் செய்தி..

மின்னி விட்டு

ஏதும் சொல்லாமல் போன வானம்..

வரண்டு கிடக்கிறது மனசும்..

என் தெருவைப் போலவே.