ஜ்வல்யா

கண்டு பிடிப்பதற்காகவே 
ஒளிகிறாள் ஜ்வல்யா.

கண்டுபிடிக்கக் கூடாது என்றே
என் தேடல்கள்.

கண்டுபிடித்து விடுகிறோம்
ஒவ்வொரு முறையும்
எங்களை !


தன் கனவுகளில்
வருவதை எல்லாம்
பட்டியலிட்டுக் கொண்டிருந்தாள்
ஜ்வல்யா.
எதிர் வீட்டு குட்டி நாய்..
அடுத்த தெரு தாத்தா.. பாட்டி..
எப்போதோ பெய்த மழை..
ஜானு பொம்மை..

‘அப்பா வரலியா ஒரு தடவை கூட’
என்றேன் குரல் பிசிர.

என் கன்னம் தாங்கி
சொல்கிறாள்..
‘நீ நிஜம் பா”